Të gjithë mund të kontribuoni në pasurimin e kësaj faqe. Na dërgoni shkrime, informacione dhe fotografi për Mirashin

Pas akuzave të Vetëvendosjes ndaj Rashit Qalajt reagon Këshilli i fshatit Mirash

Ferizaj.14.04.2017. Pas akuzave të Vetëvendosjes ndaj Rashit Qalajt ka reaguar Këshilli i fshatit Mirash .

KOMUNIKATË PËR MEDIA


Lëvizja VV në qendër në Prishtinë ka akuzuar rënd Z. Rashit Qalajn duke shpifur dhe duke u munduar që njerëzit më të devotshëm t’i etiketojë paturpësisht.

Ne shprehim indinjatë të thellë kur djali ynë akuzohet se gjoja prindi i tij na paska qenë me sps-in. Ku ka akuzë më të rënd se kjo more ju të vv-dosjes, kur dihet mirëfilli se familja e tij ka qenë dhe është e ndershme. Shtrohet pyetja more ju të vv-dosjes, si mund të jetë kjo e vërtet kur dihet se Rashiti kurdo që kërkohej nga ai të sakrifikohej për qytetaret e tij, ai sakrifikohej me guxim.

Si mund të jenë këto të vërteta kur shtëpia e tij u hap për të organizuar zgjedhjet e asaj kohe. Si mund të jetë kjo e vërtetë, kur shtëpia e tij u hap për nxënësit, kur okupatori i pat mbyll shkollat. Si mund të jetë kjo e vërtetë kur lufta përfshiu gjithë Kosovën e Rashiti u rreshtua në radhët e UÇK-së duke i dal zot atdheut. Prandaj këto akuza, ne si këshill i fshatit, i cilësojmë si të pavërteta dhe të qëllimshme. Këto akuza janë qëllimkëqija dhe që kanë shkaktuar indinjatë të thell mes banorëve të fshatit tonë dhë më gjerë.

Prandaj porosisim gjithë ata që pëpiqen të na i njollosin bijtë tanë, nuk do t’ia dalin, sepse bijtë tanë janë të paster si loti dhe me këtë pastërti do të vazhdojnë t’i shëbejnë vendit.

14.4.2017 Këshilli i fshatit Mirash

Reagime - Komente 

Agron Zaskoku Nuk është për çudi kjo punë krejt ata që nuk jan në VV sipas tyre jan sps tradhtarë etj etj etj. Nuk ja vlen të merremi me sojin e tyre.

Avdyli Avdi Vv nuk ka shka fol as një fjal per rashyt qalaj rashyti ka qen ne gjdo koh per kosoven edhe është edhe sod po te keshim pas gjdo kumun ka një si rashyt qalen sod ikishim punet ma mir kosova pergjethsi pershendetje nga zvicrra te neuchatelit.

Rexhep Bytyqi Nje parti nuk e ka te drejten te thirret ne emer te Fshatit -fundja populli po i shef po i prek dhe poe ndjen te keqen qe kjo parti ja ka sjell vendit, njiherit nuk ushqehet me bare po me buke , pranohet nje reagim i till kur nenshkruaj te gjitha partit, nuk kam personalisht asgje ndaj askujt , mirpo nuk e pranoj nje gjendje kaq te pakendshme per vendin-se shtetin nuk e krijuan pushtetembajtsit aktual , por populli dhe sakrifica sublime e tij.
       
Nj Ademi Oooooo shokit qaq shum po te dimbeset katundi yttt ka flasin njerizit per R.Qalen aaaaa mo mos kujto se ata din diqka dhe flasin e shkruajn , poooo ma mirë i mjellmi kept e tona se nuk asht edhe prej ma te mirêve tuk flet dikush.

Xhavit Qalaj Ti shoq mjelli kept e tua,e fol per gjdo njeri,po te lutem vetem me fakte,nese ki fakte qoja D.Molliqit


Bashkim Bytyçi, 
Reagim personal ndaj publikimit të VV rreth së ashtuquajturës “Skema e krimit të organizuar brenda policisë së Kosovës"

Me qëllim të informimit sa më të drejtë të opinionit publik lidhur me publikimin e Lëvizjes VV të së ashtuquajturës “Skema e krimit të organizuar në Policinë e Kosovës”, personalisht jam mjaft i indinjuar për përfshirjen e qëllimtë nga ana a VV të bashkëvendasit tonë major Rashit Çalaj në këto skema të trilluara që më shumë janë për qëllime marketingu politik të kësaj lëvizje se që ka ndonjë të vërtetë. Deklaroj me përgjegjësi, argumente dhe fakte të pamohueshme se këto veprime të VV kanë për qëllim komprometimin e emrit të Rashitit dhe familjës së tij dhe se dikujt aty i pengon ngritja personale dhe autoritative e Rashitit. Këto akuza janë plotësisht të pavërteta, qëllim këqija dhe tepër tendencioze që kanë një qëllim: kompromitimin e emrit të Rashitit para opinionit. Rashit Çalaj dhe familja e tij e gjërë është shumë e njohur për kontributin e dhënë në çështjen kombëtare e sidomos në ditët më të vështira, kur shkolla dhe arsimi shqip kishin nevojë. Familja e Rashitit është shembulli më i mirë se si duhej të mbrohej dhe ndihmohej shkolla shqipe, duke lëshuar shtëpinë – shkollë për nevoja të Gjimnazit. Përveç kësaj, edhe pse në kushte okupimi, në shtëpinë e tyre u mbajtën edhe shumë aktivitete politike, letrare dhe kulturore. Rashiti ka qenë aktivist i padiskutueshëm dhe pjesëmarrës në të gjitha proceset që nga viti 1991, kurse me fillimin e luftës, u rreshtua pa hezitim në radhët e UÇK-së.

Se këto të dhëna të VV nuk qëndrojnë, dëshmon fakti se informacionet e tilla janë marrë sigurisht nga burime të dyshimta dhe nga persona të caktuar që kanë qëllime të errëta jo vetem ndaj tij por edhe familjës së gjërë me të vetmin qëllim-njollosjen e veprimtarisë atdhetare të Rashitit. 

Lëvizja VV nëse mendon se ka fakte të tilla, është mirë të ballafaqohet me ndonjë debat me qytetarët e fshatit Mirash dhe mos të shërbehet me gënjeshtra nga kuzhina që gatuajnë vetëm shpifje. 

Është mirë por dhe obligim ligjor që edhe organet kompetente të ndërmarrin veprime të caktuara ligjore ndaj personave që shpifin pa argumente.

Bashkim Bytyci
14 prill 2017,

Fatmir Xhafaj,  Edhe unë vendas dhe shok i femiris me Rashitin e perkrahi plotsisht reagimin e z.Bashkimit.dashta vetem njëgjë tjuathem vv kur Rashiti kapunu per qeshtjen kombetare shumica prej jush keni kerku birat e mijve.

-----------------------------------------.

Konferenca për shtyp e Vetëvendosjes

https://www.facebook.com/vetevendosje/videos/10154214162212000/





Mulliri me ujë në Fshatin Mirash. (Fotografuar nga Kenan Raçi)

Posted by Fshati MIRASH on Montag, 1. Februar 2016

Regjistro E-mailin për tu informuar për postimet e reja:

Kontakti dhe Komentet

Name

E-Mail *

Nachricht *